النهار اللول تايبقاو عليك إيمتا نفرحو بيك؟ إيمتا دير المدام نعاماس؟ إيمتا نشوفوك بدارك؟ إيمتا تدير وليداتك؟ إيمتا تولي ترجع من الخدمة تلقا دارك مجموهة و الماكة طايبة و الحبيبة ديالك تاتسناك؟
تاتنوض تاتزوج عند بالك أن الزواج نزهة … و طبعا مسألة وقت قبل ما ينفاجرو فوجهك المشاكل, و تفقد الإطار الذكوري, و يبداو عليك ال shit tests و نتا مافاهم والو, و تبان حب قلبك على حقيقتها خصوصا بعد الإنجاب, و تقتانع أنك قودتيها رسميا … تما تاتعيق بالقالب اللي تدار ليك.
تاترجع عند هادوك اللي كيدوك للزواج و سرحوك النهار اللول باش يعطيوك حلول للمصيبة اللي طيحتي راسك فيها, و تايخسرو عليك جملة “وا هذا هو الزواج ما عليك غير بالصبر راه تاواحد مالاقيها كيف بغاها”.
السؤال المطروح : علاش النهار اللول سرحوك و ماصارحوكش بحقيقة الزواج ؟؟
