علم السلوك

أحد روافد الريدبيل كفكر هو علم السلوك و علم السلوك مبني على أساس واحد مفاده أن السلوك هو الدليل الموثوق الوحيد للحافز

behaviorism، :
“behavior is the only reliable evidence of motivation”

الإسقاط ديال هاد الفكرة على الدينامية بين الجنسين

هو أنك ماعمرك تبني أي قرار على شنو تاتقول المرأة، بل على السلوك ديال المرأة

كمثال : الزوجة ديالك هزات حوايجها و مشات لدار واليديها بلا خبارك، و فاش تاتعيط ليها تاتحاول تبين ليك أنك نتا المخطئ و استرخصتي الحب ديالها ليك … فهاد الحالة الأقوال ديالها فالتيليفون ماتايعنيو والو، بل السلوك ديالها فاش خرجات من الدار هو المهم و تايعبر على انها مابقاتش تاتشوفك راجل .. خاصك تحبس العلاقة و توجد راسك باش تطلقها ماللخر.

مثال آخر : الطليقة ديالك بدون سابق إنذار رافعة عليك دعوة ديال الزيادة فالنفقة، و تاتقوليك الدعوة دارتها لمصلحة الأطفال … هنا ماتايهمكش الأقوال ديالها بينما الأفعال ديالها تاتعني أنها باغا تجرجرك فالمحاكم على حين غرة … فهاد الحالة دافع على راسك امام القاضي و حاول تجيب حكم فيه رفض الطلب و خليها تزدح راسها مع الحيط … الأطفال ديالك لا شفتي نتا أنهوخاصهم شي حاجة سير شريها ليهم و ماتعطيهاش الفلوس.

مثال أخير : الطليقة ديالك تادير ليك العراقيل فاش تاتمشي تزور الأطفال يوم الأحد، و فنفس الوقت تاتقول عليك أنك سمحتي فولادك و ماتاتسولش فيهم و هي طيبة و بريئة و مستحيل تستغل الأطفال ضدك … هنا الكلام ديالها غير مهم بل السلوك ديالها اللي تايعني أنها تريد الإذلال ديالك و تلوي ليك دراعك بالأطفال و تشوفك محطم و مقهور عليهم … فهاد الحالة خاصك تسمح ليها فالأولاد و ماتبقاش تسول فيهم بتاتا حتى هي تفش و ترطاب على خاطرها و تولي هي تزاوگ فيك باش تمشي تشوفهم و تقدر هي اللي تجيبهم ليك (و تانعرف حالات الطليقة هي اللي تاتجيب الأطفال للطليق ديالها تال الحي فين تايسكن).

قرا على علم السلوك … و أهم شئ خاصك تطبق شنو تاتقرا.