باش نحسمو الجدل فالريدبيل:
- الريدبيل اعتبرو مجموعة أفكار خصك توعى بها باش تموقع راسك مع الأنثى.
- الريدبيل فلسفة قدرت تحيط بسيكولوجية الأنثى وكيفاش كتفكر.
- مرجعية الريدبيل واضحة (البيولوجيا وعلم النفس التطوري).
- الريدبيل كيقولك ايلا تعاملتي هاكا غتلقى هاد النتيجة وايلا تعاملتي بالعكس غتلقى عكس النتيجة.
- مكتفهمش البيولوجيا التطورية وعلم النفس التطوري غيصعاب عليك تفهم هاد الريدبيل لأنه مبازي عليهم.
- كاين تقاطعات وتداخلات كثيرة بين الريدبيل وروح الإسلام (شوفها مزيان روح الإسلام ) ولكن فالعمق الريدبيل فلسفة بشرية محضة متحاولش تجمعها مع الدين الإلهي (واش كتساوي الله مع البشر، واش نتا غبي؟).
- كنتي متدين وكتصلي والتزمتي بهاد الفلسفة بداكشي لي غينفعك وبلا متدخلها فالدين ولا تدخل الدين فيها غتكون مزيان.
- اعتبر راسك فهاد الحياة كتقرا موديلات فلافاك والريدييل موديل خصك تڤاليديه باش تعيش مزيان واخا مكتحملوش.
- الريدبيل فالمغرب كخطاب تجاوز الحديث على سيكولوجية الأنثى لأنها مبقاتش كتهمو وبدا يناقش القوانين لي كيتظلمو الرجال فيها.
أخيرا، أي واحد مقادرش يفهم عمق خطاب الريدبيل ومكيفهمش العلوم الإنسانية والبيولوجيا من الأحسن يبقى تلميذ مستمع كيستفد من عند لي كيفهم وكيشرح، وهذا لي كيفهم وكيشرح كيدير داكشي على حساب وقتو وحياتو الخاصة، فما يجيش أي واحد مقادرش يفهم هادشي ويدردر عليه أفكار خارية ويسرح بنادم.
الحاصول بنادم لي داخل سنطيحة لهادشي من الأحسن يعطيه التيساع ويخلي الناس والصفحات لي فاهمة شنو كدير تخدم على راسها وتوعي الشباب.