- الفيمين*ازية المغربية :
دابا ماغاندويش على مقدمات النسوية لي بدات البذور ديالها كاتزرع فيامات الاستعمار من طرف الفرنسيات لي كانوا تيعمرو ريوس ربات البيوت هنا وتيشحنوهم بدوك الأفكار الجنسانية الانقلابية على رجالهم وشيوخ القبائل وعلى السيستام الزماني… مافيا ما نهضر عليها بتفصيل حيت داك العهد ديال Colonisation ou protectorat سالا صافي مشا … ولكن من بعد الاستقلال الإاري 1956م (ماشي الثقافي أو الفكري حيت هاد الاحتلال مزال كاين خلاها د. المهدي المنجرة رائد الدراسات المستقبلية)… مع كثرة ظهور الأسر النووية لي تفرزات من القبيلة وحميتها ودخلات للمدنية والمواطنة -باش عزلو الراجل على بني عمو ودوروه فالقنت وسط الصراع بين L’urbanisme و Le milieu rural- … غادي يبداو الطالبات لي كايقراو فالجامعة كايتكتلو فالأحزاب غي على ود أفكارهن النسوية لي باغيينها تقلب الموازيين خصوصا فـ”الحكام ديال الأسرة” و”العلاقة بين الرجل والمرأة”، يعني أمور عندها علاقة بالقوة وصافي ماشي بالحقوق ديال “المظلومات”، وغايتجمعو فأحزاب يسارية بحال: حزب الاتحاد الوطني للقوات الشعبية (UNFP) لي غايولي سميتو من بعد “الاتحاد الاشتراكي للقوات الشعبية” (USFP) 1975م … وحتى فحزب “التحرر والاشتراكية” (PLS) لي غادي يولي ف1974م سميتو “التقدم والاشتراكية” (PPS) … وهاد الفيمينازيات لي لوثوا السياسة والفكر غادي تكون نسبة مئوية كبيرة منهم من الماركسيات-اللينينيات لي مهووسين بالتجربة السوڤييتية ديال الشيوعيين، والأكثرية منهم مخبيين فالاتحاد الوطني لطلبة المغرب “اوطم “… وهاد الرباعة الجندرية الإقصائية المفرعنة غادي تعتارض على أي حاجة فيها سيادة الذكر فالمجتمع، وغايستعملو مصطلحات التقدم والحرية والمساواة والإنسانية والتنوير والانتقال الديموقراطي وزيد وزيد باش غي يقلبو الطابلة على الرجال وهادشي غينعاكس بزاف على القانون المغربي الوضعي وعلى عقلية المجتمع كامل وعلى النفسية والشخصية ديالنا حنا كضحية داك الهجوم النسوي المكثف لي ماعندو تا سبب حقاني أو دافع وجيه ومقبول، والو… ولي ماخلاتناش الدولة ديك ساع للأسف نواجهوه حيت واصلها الصهد من برا، من الدول العظمى لي كتمثل أقطاب القوة ومن الرأسماليين الليبيراليين لي دعموا هاد المد النسوي اليساري بالنفوذ والفلوس (واخا الاشتراكية ضد الرأسمالية، فهم نتا تسطى ، دكشي مشربك ومخلوض…).
المصدر:
Rabéa Naciri, « Le mouvement des femmes au Maroc », Féminismes au Maghreb.
وبنات لعبد من 1957-1958 غايبداو يحتجو ويعتارضو مثلا على مدونة الأحوال الشخصية والميراث لي حطها المشرع المغربي بظهير شريف ديال الملك محمد الخامس… على أساس باغيين زعما يحيدو الميزوجينية ولكن كانت جميع التحركات ديالهم دالة على ثورة نسوية ضد الرجل عموما وضد الذكوريين المغاربة.
المصدر:
Latifa El Bouhsini, « Le féminisme au Maroc : Histoire d’une évolution difficile », Les Actes des Travaux du 5ème congrès des Recherches Féministes dans la Francophonie plurielle intitulé : Le Féminisme face au Multiculturalisme, 2009, Publications de l’Université Mohamed V- Agdal-Rabat, Rabat.
هادشي را ماجاش من فراغ حيت را ماشي بلاد السيبة هذي، وإنما كولشي كان مدعوم بالنفوذ ديال المنظمة المغربية لحقوق الإنسان OMDH ، لي كانت فوقتما شي جهة فالوطن كاتبغي تحبس هاد النسويات ولى تردعهم ولى توقف الهجوم الدائم ديالهن على المكتسبات المغربية وعلى الباطريارك، كاتدخل هاد L’organisation marocaine des droits humains باش تنصر الفيميخانزات وتوقف فصفهم… وماشي غي هي ولكن معسكرات حقوقية ومؤسسات قوية بزاف فالخارج غادي يكون عندها تواصل مع الفيمين*ازيات المغربيات، ما يعني أنهم غايحسو بلي ساندين ظهرهم على جبهات كثار لي يدها طويلة وكلمتها مسموعة .
بانت من قبل فالمغرب الغرفة ”النسوية المغربية الكبرى“ G.L.F.M. لي كانت مدعومة من طرف فرنسا وسويسرا ماديا وتنظيميا. خصوصا من La G.L.M. (الغرفة المغربية الكبرى) لي كانت فالأصل سميتها: ”غرفة الأطلس الكبرى“ لي كانت مدعومة من طرف La grande loge suisse alpina. من 1964م ونتا جاي.
ولكن أول جمعية نسوية متوحشة غاتبان هنا هي “الجمعية الديموقراطية لنساء المغرب” A.D.F.M. فعام 1985م… وغاتبعها “اتحاد النشاط النسوي” UAF فمارس من سنة 1987م… وهاد البايرات الضيناسورات غادي يشجعو أي مرا عانس ولى معقدة ولى طاغية أو كتآمن بالـFeminine Supremacy و Gynocentrism والمجتمع الأميسي : أنها تنخارط فالحركة الفيمينيستية فأواخر الثمانينات وغايروجو الأجندة الليبيرالية الحداثية بجهد، الشيء لي غايزعم العيالات يديرو جمعيات نسوية كثيرة فـ 90’s … والجيل الجديد من الفيمينازيات غايكون شرس كثر ومتطرف بالضوبل على القديم، وغايتمحور الخطاب ديالو على إلغاء الميراث والتعدد، وعلى المناصفة (غير المنصفة للذكر بطبيعة الحال)، وغادي يشكلو ورقة ضغط على الحكومة والأجهزة باش تولي المرأة كاتستافد بزاف من الطلاق والزواج بجوج… (دكشي لي غايعطي ثمارو المسمومة من بعد فالمدونة …) … غايبانو بزاف ديال الجمعيات فيمينازية بحال “السيدة الحرة” فتطوان و”الشمل” فالقنيطرة وغيرهم… غالبا غايتكونو من عضوات نقزو من أحزاب سياسية يسارية فاشلة كثيرة ولى من تجارب أخرى ما لقاتش ترحيب عند المغاربة لي كانوا من ديما تايشوفو دوك المحاولات التسلطية ديال الأنثى ظاهرة هجينة وممسوخة ماعندها تا أساس طبيعي ولى عقلاني .
ضرب طليلة غي على :
Le mouvement des droits humains des femmes au Maroc : Approche historique et archivistique, coordonné par Assia Benadada et Latifa El Bouhsini, 2014, Publications du Conseil national des Droits de l’Homme et la Faculté des Lettres et des Sciences humaines de Rabat-Agdal, Rabat, 421 pages.
وغايعطيوك الخبار على الخط لي شادين والأحلام الأنثوية ديالهم كيدايرة .
وعاوتاني زيد طالع وتبحر إذا بغيتي ورشقات ليك على القراية : :
Zakiya Daoud, Féminisme et politique au Maghreb : soixante ans de lutte (1930-1992), Paris, Maisonneuve et Larose.
الضربة الأولى لي غاتاكلها الرجولة فالمغرب ديال بصح هي فعام 1995م . فاش واحد العصابة تاع النسويات الجاعرات غادي يمشيو للندوة العالمية الرابعة ، لي نظماتها “الأمم المتحدة” فPékin . هنا الفيمينازيات غيعرفو بلي هوما ماشي بوحدهم لي شاقين طريقهم نحو القوة والتغلب، وإنما منظمات وجمعيات وحركات كثار فالعالم كامل، هاد المجمع غايكون التأثير ديالو فداك الگروپ النسوي أنه “حنا ماشي معزولين وإنما كاين بحالنا تينتاميو لدول وأديان وأنظمة مختلفة بهدف واحد هو: سحب السجادة من تحت أرجل الذكور”. فغايرجعو للمغرب وهوما واثقات كثر ومحميات وكلهم يقين على أنه القضية الذكورية غاتولي في خبر كان وأنهم غاينجحو فتحريف مسار الرأي العام وتدجين الزوج الموظف بالدولة، والأطفال بالمدارس والإعلام وغير ذلك.
أما الضربة الثانية لي شويا قاسحة كثر علينا ومضنية لكتاف الذكور، هي ديال عام 1998م . مع مجيء حكومة التناوب لي غايجي قبل سنة وحدة من موت الملك الراحل 👑الحسن الثاني👑 …عزيز بزاف عليا علاش؟ تبع معايا غا بشوية… هاد الحكومة المنبطحة للمجتمع الدولي وتوصيات الخارج ولي كتنتاهج سياسية “مواكبة العصر الجديد” والتماشي مع “عولمة النموذج الأمريكي” ، غادي تحط واحد الاستراتيجية نسوية عصرية معفنة سميتها:
Le plan d’action nationale pour l’intégration de la femme au développement P.A.N.I.F.D.
هاد الاستراتيجية الحكومية راها يسارية نسوية متطرفة 100٪ ضد قيم المجتمع المغربي وضد الهرم الأبوي وضد الرجولة عموما… حيت ماليها أصلا من حزب معارض لشرعية الحكم الملكي! واخا سي عبدالرحمن اليوسفي (لي كنحتارمو شخصيا) كان صديق صاحب الجلالة وولي العهد آنذاك محمد السادس… مع ذلك موجودة واحد “ولكن” كبيرة سطر عليها بالأحمر وبالخط العريض وخلينا ساكتين أفضل.
تخايل أخي القارئ أن الفيمينازيات فداك الوقت “فرضوا” بكل ما في الكلمة من معنى، يعني بززو بكل عناد وتعنت… على السياسيين، وعلى القادة والزعماء ديال الاشتراكية: أنهم يتبناو تدابير وخطوات كاتخدم الأجندة النسوية فابور… وهذوك حتى هوما ك Simps تافقوا عليها وبغاو يثبتوها فالبلاد ويروجوها على الناس سواء فالدوائر العليا أو نخبة المثقفين ديال العبار أو كتلة جماهير “الرعايا” لي مفاهمين والو أصلا غي صايگينهم بحال الخرفان للمسلخ بالهتافات والشعارات والعناوين والوعود الفارغة وصافي.
هاد المخطط المهبلي غاتقودو كمنسقة : ربيعة الناصري وأمينة المريني الوهابي . والـPANIFD غايخلي دوك الجمعيات والمنظمات الحقوقية الرخوة الرطبة تشارك وتولي فعالة كثر من قبل، خصوصا “المناضلات المقرعات ” كيفما كنبغي نسميهم… راه مشروع قديم وباقي قائم ويتطور وماليه فوقتما كاينجحو فشي حلقة كايدوزو لوحدة جديدة ، لي تايزعموا فيها كثر، وتاتولي عينهم كبيرة فيها كثر من دكشي لي داز.
وباش نأكد الأهداف ديال هاد الغرف والجمعيات وديال التيار النسوي عموما ، غاناخذ مقطع من خطاب السيد Master ديال ”الغرفة الكبيرة المغربية المختلطة“ G.L.M.M. عندها توجه ليبيرالي نسوي، تايقول فيها :
الترجمة : (التنوع ركيزة أساسية لنهجنا. نحن هنا نتحدث عن مزيج هو ليس مجرد تعايش. ويتمثل التحدي في وضع حد لعلاقة الهيمنة بين الذكور والإناث وللتمييز. ونعتقد أن الاختلاط في النزل هو أحد الطرق الوحيدة لتحقيق ذلك).
المصدر: https://sites.google.com/view/glmm/accueil/notre-histoire
وهاد الغرفة لي تأسسات غي ف2018م قبل ثلاث سنوات فقط، عندها 2 مقرات واحد فالرباط غادي على Le rite écossais (تقاليد سكوتلاندية)، وواحد فمراكش غادي على Le rite Français (تقاليد فرنسية). وخدامين ناشطين فسرية تامة خصوصا فمجال الـFeminism و Women rights.
… وبلا مانهضر على Rotary Club و Lions لي عندهوم تاهوما فروع نسوية فگاع المدن الكبرى لي تيتقاسمو نفس الاتجاه والأغراض مع النسويات لوخرين كلهم.
كايبقاو فالأول والأخير المطالب النسوية كلها متمحورة حول :
1- الحرية الجنسية للمرأة (متبقاش حاضيها شكادير بالعضو التناسلي ديالها واخا تكون عندك بيها علاقة حيت بالنسبة ليهم الجسد ديالها هو ملك تاعها تدير بيه لي بغات، وهادشي راه باب كاتدي للدياثة Cuckoldry بحال لي واقع فأوروپا وأمريكا تماما… ومكاين لا حب لا تفاهم لا نمي فهاد الموضوع وإنها هو انحلال محض).
2- الحق فالإجهاض (لي تايصب فنفس الخانة ديال ال Poly باش المرا لي عندها علاقات جنسية مع رجال كثار فاش تحمل تتخلص من دك الجنين لي ماعارفاش شكون باه ولي ماباغاش تولدو حيت هي ماقادراش تتحمل المسؤولية بوحدها گاع نظرا لضعفها والتيهان ديالها ).
3- يتحيدو الفوارق الظاهرية والنفسية والسلوكية بين الذكر والانثى ( لاحظ الدعم ديالهم للملابس unisex ديال الجنس الثالث، والوقوف تاعهم الإيجابي مع المثليين الذكور ومع Les travestis إلخ… هادشي كامل غادي فطريق تأنيث الذكر وترجيل الأنثى باش يتزاد واحد Génération androgyne ماتعرفهم نتا دراري ولى بنات گاع… يوليو Non-binary و Gender Fluid …
4- المناصفة فالمناصب لي بغاو هوما، لي Confy كيبقاو فيها مرتاحين وكتحقق ليهم الرفاهية، باش يتنافسو مع 20٪ ديال الذكور لي متصدرين السوق الجنسي وهرم المجتمع، ويلتاحقو بعلية القوم بدون جهد ولا تمارة ولا والو، مجانا هكذا على طبق من ذهب…
وأخيرا مبغيتش نهضر على دور النشر الفرنكفونية النسوية والجمعيات لي ناشطة دابا ولي كتندارج ضمن الحركة الفيمين*ازية والعيالات المغربيات لي عضوات فبعض المجالس والهيئات ولي تايضغطو بأي طريقة باش يتحققو نفس الأهداف لي نتوما عارفينها وواقفين ضدها، ومبغيتش ونفضح شكون لي مترأسينها وشكايديرو وشنو التأثير ديالهن فالمجتمع والصحافة والقانون وزيد
